Gujatrat Online


Gujarati Poems

મળે ના મળે

મળે ના મળે
- આદિલ

નદીની રેતમાં રમતું નગર મળે ના મળે,
ફરી આ દ્રુશ્ય સ્મૃતિ પટ પર મળે ના મળે.

ભરી લો શ્વાસમાં એની સુગંધનો દરિયો,
પછી આ માટીની ભીની અસર મળે ના મળે.

પરિચિતોને ધરાઇને જોઈ લેવા દો,
આ હસતા ચહેરા આ મીઠી નજર મળે ના મળે.

ભરી લો આંખમાં રસ્તાઓ, બારીઓ, ભીંતો,
પછી આ શહેર, આ ગલીઓ, આ ઘર મળે ના મળે.

રડી લો આજ સંબંધોને વીંટળાઇ અહીં,
પછી કોઇને કોઇની કબર મળે ના મળે.

વતનની ધૂળથી માથું ભરી લઉં આદિલ,
અરે આ ધૂળ પછી ઉમ્રભર મળે ના મળે.


We hope you enjoy this section.
For suggestions/ comments contact us!